Dagaal xooggan ayaa, mar kale, ka dhex qarxay labada dal ee Baakistaan iyo Afgaanistaan waana markii labaad ee ay labada dal dagaalamayaan intii uu talada hayay ururka Daalibaan oo unkankiisii iyo taabbagalkiisiiba loo aaneeyo Baakistaan. Baakistaan ayaa weerarro cirka ah ku qaadaysa caasimadda Kaabuul iyo xarumo ciidan oo Afgaanistaan leedahay, soodimaha labada dalna waxa ka socda dagaal furan oo ay guulo kala sheeganayaan. Dagaalkan labada dal ee xilligan maamulka Daalibaan waxa uu muujinayaa in colaadda labada dal ay aad u xidid dheer tahay, heer aanay isbeddelin si kaste oo ay isu…
Madaxweynaha Israa’iil Isxaaq Herzog ayaa ka dagay Caasimadda Itoobiya ee Addis Ababa, safarkan ayaa geeska Afrika ka dhigaya ubucda loolan sii fidaya kaas oo salka ku haya loolan goboleed. Booqashadan ayaa timid ka dib markii maalmo yar ka hor uun Madaxweynaha Turkiga, Orduqaan, uu booqasho rasmi ah ku tagay Itoobiya. Labadan dhacdo ee aadka isugu dhaw ayaa daaha ka faydaya tartan sii xoogaysanaya oo u dhexeeya quwadaha Beriga dhexe saameynta ku leh kuwaas dedaallo ugu jira sidii ay saldhigyo istaraaiiji ah ugu yeelan lahaayeen Geeska Afrika, waxaana isa soo taraya dedaallada ay wadaan…
Dawladda Federaalka Soomaaliya ayaa u soo bandhigtay Maraykanka in dib loo cusboonaysiiyo heshiis iskaashi oo hore uga dhexeeyay 1980-kii, kaas oo Maraykanka u oggolaanaya in uu ujeeddooyin milatari u isticmaalo dekedaha iyo madaarrada dalkii Soomaaliya. Tallaabadan ayaa u muuqata in ay tahay isku-day lagaga hortagayo dadaallada diblumaasiyadeed ee ay Somaliland ku doonayso in ay ku ballaadhiso xidhiidhadeeda dibedda, iyada oo adeegsanaysa fursadaha istiraatiiji ee dhanka milatariga iyo khayraadka macdanta. Wasiiru-dawlaha Arrimaha Dibedda Soomaaliya, Cali Maxamed Cumar (Cali Balcad), ayaa…
Sida ay tilmaamayso warbixin ay baahisay Middle East Monitoring, dhaqdhaqaaqyada Masar iyo Israa’iil ee Geeska Afrika ayaa u muuqda kuwo toos u loollamaya oo laga yaabo in uu iska horimaad toos ah ama dadbani ku dhex maro labadan dal oo heshiis nabadeed ka dhexeeyay. Masar waxa ay ka mid tahay saddex dal oo, marka Soomaaliya laga tago, si degdeg ah uga hor yimid aqoonsigii dhex maray Soomaalilaan iyo Israa’iil, 26-kii Jeenaweri, 2026, kuwaas oo kala ahaa Masar, Jabuuti iyo Turki. Intaas waxii ka dambeeyay, waxa ay Masar bilowday in ay dardargaliso galaangalkeeda Soomaaliya waxana ay degdeg u…
Haayadda Warbaahinta Itoobiya ayaa sheegtay in ay diiday in dib u cusboonaysiinta aqoonsiga warbaahinta saddex ka mid ah wariyeyaasha Wakaaladda Wararka ee Reuters. Sidoo kale Wakaaladdan ayaa laga reebay warbaahintii ka qayb gashay Shirkii Midawga Afrika ee Addisababa ka dhacay 24-kii ilaa 25- kii Jeenawari. Go’aankan Haayadda Warbaahinta Itoobiya ee ku jihaysan Wakaaladda wararka ee Reuters ayaa imanaya maalmo yar ka dib markii ay Wakaaladdu faafisay warbixin xasaasi ah oo sababtay dhaleecayn iyo dood ku aadan Xukuumadda Itoobiya. Warbixintan ay Wakaaladdu faafisay 10-kii Feebarwari isla…
Bariga Dhexe waxa uu galay marxalad kale oo xasaasi ah. Gobolka waxa u bilaabmay tartan awood, istaraatiiji, iyo kala adkaansho u muuqda mid kama dambeys ah. Gobolka muddo dheer wuxuu ahaa meel ay ku loolamaan Israa’iil iyo Iran, balse duullaanka ay Mareykanka iyo Israa’iil ku qaadeen Iran ayaa u muuqda mid furaya wajigii ugu khatarta badnaa ee iskahorimaadka gobolka tan iyo dagaalladii waaweynaa ee qarnigii 20-aad. Weerarka lagu dilay hoggaamiyihii sare ee Iran, Cali Khaaminaa’i , ma aha oo kaliya dhacdo milatari; waa dhacdo taabanaysa qaab-dhismeedka awoodda ee Iran iyo nidaamka amniga ee…
Markii u horraysay ee aan booqdo Iiraan waxa ay ku soo beegantay dabayaaqadii xilligii madaxweyne Maxamed Khaatimi oo uu igu lammaannaa sawirka aan ka haystay ee ay warbaahinta caalamiga ah ee debeddu ka bixiso: in dalkaa uu ka jiro nidaam xidhan oo talamaroorsi ah, kelitalis diineed oo cidda mindida daabkeeda haysaa ay tahay hal nin, iyo dawlad kala sarsarraysa oo awoodda oo idil ay ku kooban tahay gacanta wadaaddo fadhigoodu yahay Dahraan. Waxaan filanayay aamusnaan baaxad leh, habtebin qudha oo dhinac ka raran, iyo magaalo cidda xukunka haysaa loogu hoggaansan yahay si indhabbeelnimo ah.…
Isusocodkii shixnadaha ee marinka Hurmus, una dhexeeyey Iiraan iyo Cumaan waa uu istaagay, marinkan oo uu maro shan meelood meel batroolka iyo gaaska badaha la isugu gudbiyaa, lagana keeno Khaliijka Carabta ee hodanka ku ah shidaalka. Isusocodka marinkani waxa uu xidhmay ka dib weerarkii Maraykanka iyo Israa’iil ku qaadeen Iiraan subaxnimadii sabtida, 28-kii Feebarweri. Sida laga xigan karo Reuters iyo Bloomberg, judhii hawlgalka ka dhanka ah Iiraan uu bilaabmayba, shixnadaha marayey marinkani waxa ay Ciidamada Ilaalada Kacaanka ka heleen digniino loogu sheegay in aan la oggolayn in markab…
Sawirka ay warbaaahinta caalamiga ahi ka bixiso Cali Khaaminaa’i oo laga haystaa waa in uu yahay hoggaamiye siyaasadeed iyo diineed, taas oo samaysantay ka dib markii uu la wareegay jagada Hoggaamiyeha Sare ee Jamhuuriyadda Islaamiga ah ee Iiraan sannadkii 1989-kii oo ah markii uu geeriyooday aasaasihii Kacaanka Islaamiga ah, Ruuxullah Khumeyni. Ha se yeesho e, waxa sawirkiisan weyn ee siyaasadeed ka danbeeya jid dheer oo aqoon iyo fikir ah oo uu soo maray lana kowsaday dhawr sano ka hor uun Kacaankii Iiraan. Waxa uu markaas ku soo dhex qaabaysmay xayndaabka suugaanta, muusigga, iyo doodaha…
Dagaalka sida wadajirka ah ay Israa’iil iyo Maraykanku ugu qaadeen Iiraan waxa mid muujinaya heerka Raysalwasaaraha Israa’iil, Binyaamin Netanyaahu uu ugu guulaystay in uu meelmariyo aragtida Israa’iil ka qabto Iiraan, kana dhigo mid mudnaan u leh istaraatiijiyadda Maraykanka ee gobolka iyo dunida. Tallaabadani waa mid ka digaysa soo afjaranka kala qaybsanaantii gudaha maamulka Trump ee u dhaxaysay laba garab oo midi ka digo gelitaanka dagaallo (ka dib natiijooyinkii xumaa ee laga dhaxlay labadii dagaal ee Ciraaq iyo Afgaanistaan), iyo garabka kale ee u jihaysan ugaadhsiga dawladaha,…
Toddobaadkii hore, maalinkii sabtida kolkii uu Madaxweyne Donald Trump uu shaaciyey in Maraykanku uu weerarro ku ekeeyey Iiraan, ciidanka Israa’iilna waxa uu shaaciyey in weerarka ay si wadajir ah ula galeen Maraykanka oo ay Iiraan gudaheeda ka fuliyeen “beegsi tobannaan bartilmaameed oo millatari”. Trump waxa uu sheegay in weerarka yoolkiisu yahay baabi’inta ciidanka Iiraan, ka takhallusidda barnaamijkooda nukliyeerka iyo in taliska la beddelo. Waxa judhiiba lasoo tebiyey dayaanka qaraxyada Dehraan, goobjoogayaashuna waxxa ay soo wariyeen uurada qaraxyadaas, iyo dabka ka holcayay xaafado loo…
Xilligan oo dagaal adagi ka dhex socdo Iiraan oo dhinac ah iyo Maraykanka iyo Israa’iil oo dhinac ah, golayaasha gorfaynta siyaasadda iyo dagaalka waxa kusoo noqnoqda weydiinta ah Shiinuhu ma usoo gurman doonaa Iiraan? Haddiiba se gurmadkaasi dhaco, qaab sidee ah ayay taageeradaasi noqon doontaa? Jawaabta weydiintani waa mid ka sarraysa oddoroska caadiga ah ee ‘haa’ ama ‘maya’ mid ah ee la xidhiidha isbahaysiyada millatari ee soojireenka ah. Waa lama-filaan in Shiinuhu ciidamo usoo diro Iiraan, amaba uu si toos ah dagaalka usoo galo, se in isla qodobkan laga soo qaado faragelin la’aani waa…
Waxa jira nooc ka mid ah wadajoogitaanka oo qofka dareensiiya deggenaan iyo fakaag sidii in uu keligii yahay, waa kolka joogitaanka qofka kale aanu ku xadgudbin ama aanu hafin khibradda dhinaca kale, se cagsiga uu sii hodmiyo oo uu qotodheereeyo. Wadajirkani waa dhif waana mid aan sahal lagu helin. Wadajir kasta, si kasta oo la isugu weyn yahay, waxa uu gaadhaa heer ka haagid, waana kolka diiqad isku dareenku bilaabmo. Kolka qofku yahay keligiisocodna, kaba sii daran, oo soohdintaas horaa loo gaadhaa, fakaaggiisuna ka cidhiidhisan kuwa kale. Kolka xaaladdani dhacdo, ku laabashada kelinnimada…
Sannaddii 1969-kii waxa Soomaaliya ka dhacay afgenbi milatari oo ay askartu talada dalka kula wareegtay. Afgenbiga dhacay si weyn ayey dadweynuhu u soo dhoweeyeen, maxaa wacay waxa si walba loo karhay maamulladii rayidka oo ku sifoobay nidaamxumo, musuqmaasuq qaawan iyo kartixumo hoggaamineed. Kacaanka dhashay waxa loo arkayey in uu dib u kabi karo kalsoonidii dadweynaha ee burburtay iyo in uu si dhab ah ugu adeegi doono bulshada, taas ayaa keentay in dhalashadii kacaanka kolkii ugu horraysayba caleemo qoyan lagu soo dhoweeyo. Suugaanlayda oo ahaa fekeraagii dhabta ahaa ee waagaas ayaa si…
Waa tijaabo dad badani soo arkeen, siiba dadkii kacaamay sannadihii ka dambeeyey 2011. Saaxiib xammaasadaysan baa raba in uu wax ku tusiyo, waa muuqaal taleefannada la isugu dirdiro, se ma aha filin galmo sida qof kastaa filan karo, ee dhallinyaradaas waagaas ku dhex faafsanaa, ka hor intaan la baran in si sahal ah lagu galo mareegaha muuqaallada galmada. Muuqaalkaas saaxiibkaa ku tuso waa muuqaal qof qof kale dilaya, weliba sida badan gawracaya. Muddaad amakaagaysaa, oo fikirku kaa istaagayaa, daal iyo kaladaadsanaanna aad dareemaysaa, muuqaalkaasina abidkaa ka bixi maayo xusuustaada. Waa u…
Hidde waa wax soo jireen ah oo ummadi ay ka dhaxasho abka ay ka soo jeedo. Waa caadooyin, iyo farsamooyin nololeed oo bulsho hab soo jireen ah u dhaxasho, ciyaaruhuna waa hidde aynu soo jireen u leenahay, taas oo xambaarsan qiyam aynu rumaysanayn. Dhaqanku waa astaanjirrida iyo aragtiyaha ka dhasha qaabka ay cidi nolosha u la falgasho, kaas oo ku sar go'an heerka noloshooda iyo ilbaxnimadooda. Ciyaaraha dhaqanku waa kuwo xambaarsan dhaqan iyo hidde, labadaba. Ciyaaraha dhaqanku waa qayb aad muhiim u ah oo ka mid ah suugaanta Soomaalida. Bulsho waliba waxay leedahay hab-nololeed, dhaqan iyo…
Dhawaanahan ma aan akhrin sheekofaneed. Waxaa iigu danbaysay sheekadii gaabnayd ee Fyodor Dostoevsky ee Habeennadii Caddada. Laftigeedu ma dhawayn oo muddo ayaa ka soo wareegtay akhrinteeda. Waqti badan ka dib, waxa aan dhawr jeer arkay buugga Fijiyaayo, muddo dheerna waan ka warwareegayay in aan akhriyo, wax aragti ah kama aan haysan, aan ka ahayn in uu yahay sheeko, xataa magacu in uu qof yahay iyo in uu af qalaad yahay midna ma ogayn. Sababta u weyn ee aan uga meeraysanayay waxa ay ahayd bogagga waraaqihiisa oo ahaa kuwo cad cad, dhab ahaan se, ma ahayn wax weyn oo looga maqnaado…
Ka hor intaan sheekooyinka lagu daabicin buugagga ama aan lagu soo bandhigin shaashadaha, waxa la isugu tebin jiray ardaaga ama geedka hoostiisa, iyadoo erey kasta iyo xanshaashaq kastaaba siteen cashar iyo xikmad, iyo habdhac keliya uu fahmi karo qofka goobjoogaha ahi. Geeska Afrika, si la mid ah goobo badan oo ka mid ah Afrika, tebinta sheekooyinku keliya may ahayn madaddaalo, ee waxa ay ahayd hab lagu gudbiyo aragtida dunida laga haysto, baridda dhallaanku siday u noolaanayaan, sida ay u fekerayaan iyo siday u kala saarayaan waxa xun iyo waxa san. Maanta, oo sheekooyinku tebintii afka uga…
Hordhaca Turjumaanka Dad badani waxa ay sannadkan xusayeen sannadguuradii boqol iyo afar iyo afartanaad ee ka soo wareegtay dhalashadii Farjiiniya Woolf (1882-1941). Markii aan akhriyay qormadan kooban ee Elif Shafak kaga qaybqaadatay xuskaas, waxa aan fadhiyay kob maqaaxi iyo maktabad isugu jirta, dabadeed waxa aan judhiiba u kacay dhanka shalfisyada maktabadda oo buugagga yaallay ka baadhay wax ay qortay Woolf. Nasiib wanaag waxa aan markiiba helay buuggeeda Orlando, turjumaaddiisa af Carabiga oo aan cutubka koowaad ka akhriyay kaas oo aan cunaha ii dhaafin. Runtii muudh wax akhris marka…
Waxa uu ahaa caato lafo ah oo ay soo godday nolosha adag ee badday in uu goosho deexda ballaadhan ee Soomaalida. Subax Jimce ah ayay ahayd kolkuu nagu soo booqday xaafadayada oo farasmagaalaha taallay. Xaafadahayaga waxa aan ugu yeedhi jirnay Dugullo, waayo; xaafadaha nagu hareeraysan oo dhami waxa ay ahaayeen xaafado ladan oo daaran, halka taayadu ka dansanayd. Saaxiib iga roon oo aan lahaa waxa uu ugu yeedhi jiray Harlem. Waagaa, waxa uu ula jeedo ma fahansanayn. Hasayeeshee, magac qariib ah oo ku munaasib ah ayaa uu ila ahaa. Saaxiibkay, Harlem waxa uu ka maqlay, habar bare ka ahayd…
Hordhac Buugga "Saddex Xagalka Awoodda" ee uu qoray Alexander Stubb, madaxweynaha hadda ee dalka Fiilaan, waa falanqayn qoto dheer oo wakhtigeedu taaganyahay taas oo ku saabsan taabanaysana isbeddellada waaweyn ee dib-u-qaabaynta nidaamka caalamiga ah qarniga 21naad. Iyada oo laga dhadhansanaayo khibraddiisa ballaadhan ee siyaasadda iyo aqoonta, taariikhda, juqraafiyad-siyaasadeedka, iyo xidhiidhka caalamiga ah, Stubb waxa uu soo bandhigayaa isku-dhafan qoto dheer oo leh taariikh, siyaasad, iyo dhaqan-dhaqaale, isaga oo ku doodaya in nidaamkii xorta ahaa ee dunida ka dib dagaalkii qaboobaa uu…
Maalmihii u danbeeyey ee sannadkii tagay (2025) waxa aan akhriyey oo baalba baal ii dhiibay Noofalka la yidhdaa "From a Crooked Rib" oo uu curiyey qoraaga Soomaaliga ah ee Nuuraddiin Faarax. Sannadkii 2016-kii ayaa Wariye Cabdisalaan Hareeri soo saaray turjumaaddiisa Soomaaliga ah isaga oo u bixiyey “Feedh-Qalloocan”. Nuuraddiin Faarax waa qoraaga aan ugu jecelahay lodkiisa waayo, waxa aan ka dhex arkaa oo aan ka dhex daawadaa sheekooyinkiisa; dadkayga, suuraddooda, qiysooyinkooda iyo sowracayga Afrikaannimo. Toddobaatannaadkii ayuu la gole yimid dunida suugaanta noofalkan, isaga oo ahaa…
Turjumaaddani waa qayb ka mid ah hordhaca uu Bare sare Robert W. McChesney ka bixiyey buugga Noam Chomasky ee “Dhiigmiirad: Liberaaliyadda Casriga ah iyo Nidaamka Caalamiga ah”, waxaanu ku iftiiminayaa dhabnimada Liberaaliyadda Casriga ah.…
Arrimaha Soomaalida
Akhriso qoraallo cuddoon oo furfuraya dhacdooyinka mudnaanta leh ee markaas ka taagan dhulka Soomaalida.
Faylkan
Falastiin iyo Afrika
Halganka xornimadu waa waxa u weyn ee Afrika ku xidha qaddiyadda reer Falastiin; akhri qoraallo rogrogaya wejiyada mideeya Afrika iyo Falastiin.
Faylkan
Colaadda Suudaan
Suudaan waxa ay maraysaa colaad tusaale u ah qalalaasaha Qaaradda Afrika; halkan ka akhri qoraallo daahfaydaya waayaha dagaalka iyo dhacdooyinkiisa.
Faylkan
Suugaan iyo Aqoon
Xulka suugaanta iyo aqoon guud oo nuxur leh kaga bogo halkan.
Faylkan
Hadaljeedintan waxa uu Dr. Naasir Maxamed Cali kaga hadlay wejiyada sharci iyo taariikheed ee madaxbannaanida Somaliland iyo dib u aqoonsigeeda. Hadaljeedinta ayaa ku saabsanayd waraaq aqooneed oo uu Diktoorku hore u qoray waxanu ku falanqeeyay sooyaalka dawladnimo, sugnaanta sharci iyo dib u aqoonsiga Somaliland. …
Barnaamijkan oo ay soo qabanqaabisay Madasha Geeska waxa ay Dr Xasan Suudi iyo Danjire Aadan Muuse Jibriil ku falanqeeyeen aqoonsiga iyo xidhiidhka diblumaasiyadeed ee dhex maray dawladaha Israa'iil iyo Somaliland, halka uu kaga jiro istaraatiijiyadda aqoonsi-raadinta ee Somaliland, fursadaha siyaasadeed, kuwa dhaqaale iyo farsamooyinka tignoolajiyadeed ee ay Somaliland ka heli karto, iyo weliba dhinacyada iskaashiyada amni ee ku aaddan loollanka gobolka iyo marinka Badda Cas. …
Mawduucan oo ay soo qabanqaabisay Madasha Geeska, waxa uu Dr. Guuleed Axmed Jaamac (Dafac) ku furfuray xidhiidhka Soomaalilaan iyo Israa'iil, isaga oo ka eegay dhinacyada xeerarka caalamiga ah, danaha qaran ee dalalka iyo siyaasadaha adeegsiga haybta iyo aragtiyaha dhaqan iyo diineed si loo meelmariyo masaalixda dawladeed. …
Wareysigan waxa uu Cabdifataax Barawaani, oo ah qoraa iyo falanqeeye arrimaha siyaasadda iyo fikirku, ku lafagurayaa dawlad-dhiska, noocyadeeda iyo dabeecadaha dhaqan iyo jiraal ee qofka Soomaaliga ah. Waxa uu ka jawaabayaa weyddiimo gundhig u ah fikirka bulshada iyo dawladnimada oo ku saabsan hanaqaad la'aanta dawladnimada Soomaalida. Wareysigan waxa uu Cabdifataax Barawaani, oo ah qoraa iyo falanqeeye arrimaha siyaasadda iyo fikirku, ku lafagurayaa dawlad-dhiska, noocyadeeda iyo dabeecadaha dhaqan iyo jiraal ee qofka Soomaaliga ah. Waxa uu ka jawaabayaa weyddiimo gundhig u ah fikirka…
In ka badan afartan sannadood oo uu si firfircoon ugu jiray siyaasadda Kiiniya, waa ay koobnaayeen guulaha shakhsiga ah ee uu ka gaadhay hoggaamin loo doortay. Haddana marna kama uu maqnaan kaalin hoggaamineed, waxa kale oo uu tiir u ahaa in badan oo lagu sheegi karo guulo qaran; waa Raila Odinga ... Dhaxalkiisii ayaa uu dhinacyo dhawr ka eegayaa Liibaan Maxamed Ciise oo ku xeeldheer taariikhda siyaasiga ah iyo dhaqaaleha. …
Diktoorka iyo qoraaga reer Suudaan ee Amiir Taaj al-Sir waxa uu 1960-kii qoraalka kusoo galay maansada, ka dibna waxa uu sii dhex galay dunida sheekofaneedda. Qoraalladiisu waxa ay la gaar yihiin isku milidda waaqaca Suudaan iyo qaraa’ibnimada, waana qoraallo ku qoran af jaadgoonni ah oo hodan ah, sheekooyinkiisuna waxa ay sal u ah tebin cuddoon. Waa tilmaamo ka muuqda sheekofaneeddiisii koowaadba, Karamakool, oo sannadkii 1988-kii la faafiyey isagoo weli arday caafimaadka barta ka ah Qaahira. Waa sheeko judhiiba ku biirisay safka qoraayada waaweyn ee sheekooyinka, weliba Suudaan oo keliya ma…
Ka dib markii ay soo baxeen falal isdabamarin lacageed ah oo ay ku kaceen tiro yar oo ka mid ah Soomaalida Maraykanka, maamulka Trump iyo dad taageersan dhaqdhaqaaqa MAGA waxa ay bilaabeen in ay si shaacsane ah weerarro afka ah ugu qaadaan bulshada Soomaalida ah. Geesku, waxa uu Axmed Yuusuf ka waraystay saamaynaha xaaladdan iyo sida Soomaalida Maraykanku ula dhaqmi karaan colaadda sii kordhaysa. Kolkii la shaaciyey in Soomaaliya qabanayso madaxnimada Golaha Ammaanka Qaramada Midoobay, waxa la filayey in falcelintu mid dabiici ah noqoto. Waa hoggaamin si bille ah xubnaha Goluhu isugu…
Aqoonyahanka siyaasadeed ee Adam Przeworski, oo ku dhashay dalka Poland, haddana borofaysar sharafeed ka ah jaamacadda Niyuu Yook, waxa lagu tiriyaa aqoonyahanka ugu cadcad ka hadalka qaddiyadaha dimuqraaddiyadeed ee qarnigii tagay. Waxa uu qoray buugaag dhawra oo caan noqday, sida “Capitalism and Social Democracy”, “Paper Stones: A History of Electoral Socialism” (oo uu la qoray John D. Sprague), “Democracy and the Market: Political and Economic Reforms in Eastern Europe and Latin America”, iyo “Crises of Democracy”. Feebarwari 2025 ayaa uu bilaabay in uu barta “Substack” ku qoro qoraallo…
Ka dib burburka heshiis laga gaadho dib u hagaajinta doorashooyyinka iyo wax ka beddelka dastuurka ee Soomaaliya, doorashooyinka dawladda hoose ee Muqdisho ayaa qabsoomay walow ay weli mucaaradku codsanayeen heshiis siyaasadeed oo ballaadhan, qaabka doorashooyinkani u qabsoomeenna waa qaab ay Samiira Gaydh u aragto in uu ka tarjumayo dhibaatooyinka siyaasadeed iyo hay’adeed ee Soomaaliya joogtada ku ah, wax xal ahna aan laga gaadhin. 24-kii Diisambar ee 2025, magaalada Muqdisho waxa ka qabsoomay doorashooyin deegaan markii u horraysay ka dib sannado badan, waana doorashooyin dawladdu ay ku…
Hordhaca Turjumaanka: Maansadu waa dhaxal laga dheehdo hab-fekerka bulshada, iyo noloshooda dhaqan, siyaasadeed iyo dhaqaale. Maansadu waa humaag samayn. Maansayahanku, isagoo ka warramaya arrin siyaasadeed ama jacayl, waxa uu maansadiisa ku soo gudbiyaa waxyaabaha quruxda iyo qaayaha ugu astaysan dhaqankiisa, qiyamkooda iyo la falgalkooda nolosha, waxaana sunne ah mar kasta oo waayaha bulshadu is beddesho in suugaantooda laga dheehan karo, maansada Carabtu in ka badan suugaanteenna, casriga way la jaanqaaday. Cawaale Deeqsi waraysi uu ka qabtay Abwaan Weedhsame, wuxuu abwaanku ku xusay in…