Geeska Podcast: Sooyaalka Aqooneed iyo Fikir ee Prof. Xuseen Cabdillaahi Bulxan | Qaybta 3aad

Wada-sheekaysigan cilmiyeed waxaannu ku martigelinnay Prof. Xuseen Cabdillaahi Bulxan, waxaana daadihinayey Khadar Maxamed Muxumed. 

Qaybtan saddexaad waxa lagu sii falanqaynayaa aragtiyaha ku duugan buuggiisa The Politics of Cain, gaar ahaan samaysankii haldoorka siyaasadeed, adeegsiga qabiilka iyo awoodda dawladda, iyo sababihii burburkii Jamhuuriyadda. Waxa kale oo lagu eegayaa kala duwanaanshihii habkii siyaasadeed ee Cigaal iyo Siyaad Barre, lumitaankii adkaysiga iyo isku-filnaanshaha bulshada Soomaalida, iyo doorkii Prof. Bulxan ka qaatay nabadaynta, dib-u-heshiisiinta iyo aasaaska Akademiyadda Nabadda iyo Horumarinta Somaliland.